Mugh se pehli si muhabbat mere mehboob na maang



main ne samjha tha ke tu hai to darakhshan hai hayat

tera gham hai to gham e dehr ka jhgara kya hai?

Teri soorat se hai aalam mein bahaaron ko sabaat

teri aankhon ke siwa dunya mein rakha kya hai

tu jo mil jaey to taqdeer nigooon ho jaey

yun na tha, mein ne faqat chaaha tha yun ho jaey

aur bhi dukh hain zamaaney mein buhabbat ke siwa

raahatein aur bhi hain wasl ki rahat ke siwa


un ginatt sadyon ke taareek bahimana talism

resham o atlas o kamkwaab mein bunwaaey huey

ja ba ja biktey hooey koocha o baazaar mein jism

khaak mei lithrey huey khoon mein nehlaey huey

laut jaati hai udhar ko bhi nazar kya keejay

abb bhi dilkash hai tera husn magar kya keejay?

Aur bhi dukh hain zamaaney main muhabbat ke siwa

raahatein aur bhi hain wasl ki raahat ke siwaa



mugh se pehli see muhabbat mere mehboob na maang



faiz ahmed faiz