Thread: Aaap Duniyaa Bhar Se Ulfat Keejiye

aap duniyaa bhar se ulfat keejiye
mujh ko meraa dil inaayat keejiye


zabt se kyaa Khuun-e-hasrat keejiye
aik naalaa kar ke fursat keejiye


zoaf kahtaa hai ke manzil duur hai
shauq kahtaa hai ke himmat keejiye


garq hii honaa thaa manzoor-e-Khudaa
naa-Khudaa kii kyaa shikaayat keejiye


hazrat-e-”Natiq” jahaan tak ho sake
apne dil meN zabt-e-ulfat keejiye

nice one.....!!!