Har Subha Naya Ranj Uthana Hai Kahin Aur
Har Shaam Musafir Ka Thikana Hai Kahin Aur

Malum Thah Mujh Ko Yeh Mera Saath Na Dey Ga
Ab Main Hun Kahin Aur Zamana Hai Kahin Aur

Jis Bazm Mein Jata Hun Mera Jee Nahin Lagta
Mehsus Yeh Hota Hai Ke Jana Hai Kahin Aur

Har Raat Mere Zehain Mein Rehta Hai Yahi Khuf
Iss Neend Ne Ab Mujh Ko Jagana Hai Kahin Aur

Dil Mein Tou Kahin InKa Nishaan Tak Nahin Milta
Shayad Teri Yaadun Ka Thikana Hai Kahin Aur

Malum Nahin Kahan Ja'un Ga Lekin
Iss Shehair-e-Sitam Sey Chale Jana Hai Kahin Aur..!!